កំពត៖ នាយករដ្ឋមន្ត្រីកម្ពុជាសម្ដេចធិបតី ហ៊ុន ម៉ាណែត បានព្រមមានជាមុនទៅដល់ក្រុមគួកជេរដី អ្នកដើរប្រមូលទិញដី និងទន្រ្ទានដីរដ្ឋ រួមទាំងអង្គការសង្គមស៉ីវិលមួយចំនួនដែលចង់ធ្វើឲ្យប៉ះពាល់ទៅដល់គម្រោងសាងសង់ព្រែកជីកហ្វូណន់តេជោ។
សម្ដេចបានលើកឡើងថាតាមការសិក្សាគឺមានតែប្រជាពលរដ្ឋប្រមាណជាង ១ពាន់គ្រួសារប៉ុណ្ណោះដែលប៉ះពាល់ពីគម្រោងព្រែកជីកនេះ ខណៈក៏ទទួលបានព័ត៌មានថាមានជនឆ្លៀតឱកាសមួយចំនួនបានដើរទិញដីពីប្រជាពលរដ្ឋដែលនឹងអាចធ្វើឲ្យប៉ះពាល់ទៅដល់គម្រោងពេលនឹងចាប់ផ្ដើមជីកនៅខែសីហាខាងមុខ។
សម្ដេចបានព្រមានថាសូមកុំធ្វើឲ្យមានការរារាំងណាមួយទៅដល់គម្រោងនេះខណៈភស្តុតាងងាយរកនោះទេដោយសារតែបច្ចេកវិទ្យាពេលបច្ចុប្បន្នទំនើប។
សម្ដេចថា៖ «រឿងនេះជារឿងជាតិគម្រោងព្រះជីកហ្វូណន់តេជោគឺជាប្រយោជន៍ជាតិរបស់ប្រយោជន៍យើងទាំងមូលដែលត្រូវតែធ្វើនិងត្រូវធ្វើឲ្យបាន។ [..] កម្លាំងមួយចំនួនតូចគឺមិនអាចបំផ្លាញបានទេ»។
សម្ដេចថ្លែងបែបនេះនៅក្នុងពិធីសម្ពោធកំពង់ផែពហុបំណងខេត្តកំពត ព្រឹកថ្ងៃទី៦ ខែមិថុនា ឆ្នាំ២០២៤ នៅក្រុងបូកគោ ខេត្តកំពត។
គម្រោងព្រែកជីកហ្វូណនតេជោនឹងចាប់ផ្ដើមនៅថ្ងៃទី៥ ខែសីហា ឆ្នាំ២០២៤ខាងមុខ ខណៈគ្រោងនឹងចំណាយទឹក ប្រាក់រហូតដល់ប្រមាណ ១,៧ ពាន់លានដុល្លារអាមេរិក ដោយត្រូវប្រើពេលវេលា៤ឆ្នាំ ដើម្បីសាងសង់បញ្ចប់គម្រោង៕
